عروس مصرية تغسل أقدام عريسها في الكوشة

القاهرة / أثارت عروس قامت بغسل أرجل زوجها قبيل زفافها، حالة من الجدل على موقع التواصل الاجتماعى فيس بوك، بين رافض للفكرة ومؤيد، وبين من وجدها إهانة للمرأة ومن وجدها حالة من التعبير عن الحب الحقيقي.

وتباينت ردود الأفعال على صور العروسة التي تم نشرها على موقع التواصل الاجتماعى فيس بوك، من خلال تعليقاتهم على الصور فكتبت أحداهن تعليق كتبت فيه، متزعلوش مني بصراحة دى إهانة وإذلال، الست ممكن تغسل رجل زوجها برضاها بينها وبينه في بيتهم لما تحس أنه جاي من الشغل مرهق لكن في ليلة فرحها وقدام الكل، وأكملت موجهة كلامها للعروسة، “قابلي بقى ياعروسة المعاملة اللي بعد كده”.

وعبرت أخرى عن رأيها قائلة، صدقيني مش بغسل الرجلين نهائي، سي السيد، مراته كانت بتغسله رجله وكان بيخونها عادي، المحبة الحقيقة أفعال حقيقية ستظهر في حياتكم وأفعالكم مع بعض بعدين، أنا عارفة أنه كان في نيتك تعملي حاجة حلوة بس أسأتي أختيار الفكرة جدا والمنظر خارج المألوف تماما.

فيما وجدت أخرى أن ذلك يعتبر نوعا من أنواع التعبير عن الحب وكتبت “مسلمة أو مسيحية طاعة الزوج من طاعة ربنا، هى حرة فى تعبيرها عن حبها لزوجها في أي وقت وأى مكان وليس من حق أحد ان ينتقدها”، واستكملت، ربنا يباركلهم في حياتهم وده مش ذل ولا حاجة ده نوع من أنواع الحب والرحمة ولو هو مايستهلش المعاملة دي وأكثر ماكنتش أتصرفت كده هو اللي وصلها للمرحلة دى من العطاء وحبها له.