أحمد عز يشكك في حكم القضاء.. وزينة ترد عليه..
بعد أن رفضت محكمة الأسرة المصرية استئناف الفنان أحمد عزّ بإثباتها نسب توأمي زينة إليه، علق على عز الحكم في قضيته مع النجمة زينة برسالة وجهها إلى جمهوره عبر صفحته الرسمية على “فايسبوك”.
ويشير موقع “الراقية” أن عز قال: “مساء الفل ياعيلتي وأهلي، كتير سألوا عليا أمبارح وأنا باطمنكوا أنا الحمد لله كويس وزي الفل وراضي باللي ربنا كاتبهولي كله، أنا كمان مش بس راضي أنا سعيد “بالابتلاء” اللي أنا فيه عشان واثق في ربنا وفي نصره إن عاجلا أو آجلا!!! وان اللي أنا فيه ده ماهو إلا رفع درجات بإذن الله”.
وتابع: “طبعا أنا لا اعلق علي أحكام القضاء ومش هاطلع اعمل دوشه ولا أتكلم عشان أنا سايب حقي علي ربنا العادل الحق، اللي بقولهولكوا دلوقتي هو نفسه اللي بقوله من أول يوم في القضية وهافضل أقوله لآخر نفس في عمري.. وبأشهد الله علي كلامي ده بل وأقسم بالله العلي العظيم “إني ماتجوزتهاش ولا رسمي ولا عرفي ولا شفهي ولا ثانيه وان شاالله يكون معاها ١٠٠ حكم و١٠٠ شهادة ميلاد برضه مش ولادي”.
كما اختتم احمد حديثه بأية من القرآن الكريم: “بسم الله الرحمن الرحيم، ولا تحسبن الله غافلاً عما يعمل الظالمون إنما يؤخرهم ليومٍ تشخص فيه الأبصار”.
ومن جانبها ردت الفنانة زينة على تعليقاته، فكتبت: “الحمد لله، بشكر القضاء المصري العظيم اللي أظهر الحق الحمد لله عاوزة أوضح حاجة علشان الكذب المستمر، الحكم الحمد لله بيعتمد على إثبات الزواج وبناء عليه تم إثبات النسب أنا كنت ملتزمة الصمت واتعرضت للإشاعات الحقيرة وكنت بشوف اللى بيتقال عليا والحقيقة إنى كنت واثقة في عدل ربنا الحمد لله”.
واختتمت كلامها: “فرحت الناس بظهور الحق أكتر حاجة حسستنى إن الناس معايا أو تحديدًا مع الولاد، مين ممكن يعادى أطفال ويظلمهم غير جاحد شيطان فرخة حتى ماحصلش دجاجة”.