زينة لمي عز الدين: هتلاقيني جنبك زي ما وقفتي جنبي

بعد أن تنفسّت الصعداء، حرصت الفنانة زينة على شكر زميلتها الفنانة مي عز الدين على موقفها، ووقوفها إلى جانبها طوال الوقت هي ووالدتها.

وكانت مي من أول المهنئين للفنانة زينة على حكم المحكمة الذي صدر لصالحها بتأييد نسب توأمها للفنان أحمد عز.

وقد نشرت زينة صورة لمي عبر حسابها الشخصي على Instagram وكتبت تعليقا عليها: طبعا مش عارفه أقولك أي كلمة لأن أي كلمة مش كفاية عليكي، على جدعنتك ووضوحك، مي وقفت جنبي في الوقت اللي كنت في لوحدي خالص هي ومامتها ربنا يديها الصحة والعمر وتفرح بيها يا رب..

وتابعت زينة موجهة شكرها لجمهور مي الذي وقف إلى جانبها هو الآخر: مي كمان جمهورها الكبير المحترم كان في ظهري ومش عارفه أشكرهم ازاي، والله ما لاقية كلام بس اعرفي إني بحبك أوي وهاتلاقيني جنبك في كل نجاح وفرح ليكي لأني مش متخيلة ليكي يا مي غير كل خير، لأنك ماتستهليش غير الخير والفرحة والنجاح.

واختتمت رسالتها داعية لمي بأن يرزقها الله بالشخص المناسب وأن ترى أولادها في أقرب وقت، وقالت: بحبك بحبك بحبك ويا رب أفرح بولادك على أحسن راجل في العالم اللي يستاهل قلبك يا حبيبتي..