درة ترد على معجبة وصفتها بغير محترمة

لم تمرر الفنانة درة هجوم متابعة لصفحتها على فيس بوك مرور الكرام، وقررت الرد عليها خاصة بعد أن نعتت الفنانة بالـ مش محترمة.

المتابعة هاجمت درة بسبب ما وصفته بجرأة الفنانة في فيلم شاركت فيه ببداية حياتها الفنية بعنوان دار الناس، حيث كتبت: عايزة اقولك يا استاذة اني شوفت مشهد ليكي على اليوتيوب في فيلم تونسي كنتي جريئة جدا، وانا ايللي كنت فاكراكي محترمة ده انتي قولتي في برنامج الحريم اسرار عن الاحترام وان البنات مينفعش تلبس مايوه لكن انتي كدبة ومش محترمة مع الاسف كل الفنانين مش محترمين اكيد خارج الشاشة في بلوى.

درة ردت على هجوم المتابعة: عيب الكلام ده أنا محترمة والاحترام مش لبس بس.. وانا مش كدابة ومقلتش البنات مينفعش تلبس ايه دي حرية شخصية وفيلم دار الناس فيلم عادي اتعرض على الشاشات وكان في بدايتي من اكتر من عشر سنوات يعني من زمان كانت طبيعة الدور كده وممثلات كتير من كل الاجيال قدمو مثله وأجرأ بكثير كمان.. ولكن انا كل الكلام ايللي بقولو دلوقتي حقيقي وبختار أدواري كويس ومسمحش لحد يقول مش محترمة على صفحتي.