فيديو / مداعبة وسخرية وجد بين حليمة بولند و وائل الابراشي

هاجمت حليمة بولند الإعلامي وائل الابراشي على الهواء مباشرة، قائلة، خلال استضافته لها في برنامجه العاشرة مساء: أنت اسلوبك جاد قوي، وانا مش متعودة على كده خالص، معنديش خلق اقدم برنامج جاد زيك، فالعالم مليء بالمشكلات والحروب.

وعلق الإبراشي، على طريقة كلام حليمة، وقال: إنتي مش بتتكلمي طبيعي زي الناس، ليه الكلام بيطلع منك وكأنه جاي من كوكب تاني، وردت بولند: بجد.. هي دي طريقة كلامي وأنا مولودة كده، كثير من المتخلفين هم الذين يعترضون على طريقة كلامي، وعلى الجانب الآخر هناك اللي بيحبوني.

وسخر الإبراشي، من ضحكة حليمة، قائلا: ضاعت جدية برنامج العاشرة مساء، على يد حليمة بولند، وداعبته بولند، قائلة: اوعى ييجي يوم وتقلدني، فعلق الإبراشي: دي تبقى مصيبة وكارثة والله.

وطالبت بولند بسرعة حل أزمة الصحافيين في مصر قائلة: أنا مش عاجبني الخلاف ده، ولازم الدولة تقعد مع الصحافيين وتعمل صلح بينها وبين الداخلية، ووجهت حديثها لوائل الإبراشي، قائلة: إيه رأيك، المشكلة اتحلت ببساطة يا جماعة، وعلق الإبراشي ساخرا: انتي كده هتحلي مشكلات وأزمات كتير، لا خليكي في تقديم برامج المنوعات أفضل.