شيرين عبد الوهاب تبرر اعتزالها وعودتها

وجهت شيرين عبد الوهاب رسالة جديدة لجمهورها تعتذر فيها عما سببته من قلق لهم، وتوضح ما حدث الفترة الماضية من قرار اعتزالها المفاجئ، وعدولها عن القرار.

وجاء في بيان شيرين عبد الوهاب: “جمهوري الحبيب، أحيانا بنتعرض لضغوط أكبر من طاقتنا، الفترة اللي فاتت كانت صعبة عليا جداً لظروف شخصية وضغط شغل لفترة طويلة وهجوم إعلامي غير مبرر واحساسي بانشغالي في العمل وتأثيره على بناتي وأسرتي. عارفة إن الخبر كان صادم للكاره والمحب ليا بس أنا كنت حاسة انه الابتعاد هو الحل في اللحظة دي، لحظة حسيت فيها بتعب حد من عيلتي، وحسيت إن الدنيا مش مستاهلة وإن كل لحظة بعيدة عن اللي بحبهم هي لحظة ضايعة من عمري”.

“أسفة على القلق اللي سببتهولكم، بس صدقوني، مشاعركم هي اللي خلتني أراجع نفسي وحبكم هو إللي حسسني إن صوتي مش ملكي وإن الفن ملوش علاقة بضغوطات عليا، أما عن رجوعي، فأنا بارتب بس بعض الحاجات وبعمل ترتيبات”.

“أحب أشكر كل من ساعدني إني أتخطى محنتي من جمهوري وفنانين وإعلام مصري وعربي نزيه لا يفبرك ولا يشمت و لا يشخصن الأمور أو يستنتج سيناريوهات”.

هابعد لفترة أجازه مع عيلتي وبعدها إن شاء لله أعود تاني للعمل، مرة أخرى، شكرا لمن ساندني، وسامحت من ضايقني. شيرين عبد الوهاب”.