بعد تمكينها، الخلافات بين “ريم طارق” و “حسن شاكوش” مازالت مستمرة
تصدر “حسن شاكوش” التريند الفترة الماضية بعد تداول أخبار عن خلافاته مع زوجته “ريم طارق” والتي انتهت أخيرًا بالطلاق.
استمرت الخلافات خلال الأشهر القليلة الماضية بين مغني المهرجانات “حسن شاكوش” وزوجته “ريم طارق”. والتي وصلت إلى نزاعات قضائية انتهت بتمكين الزوجة من منزل الزوجية. حيث كان قد اتهم أحدهما الآخر بالاستيلاء على ممتلكاته الخاصة. وهو ما دعا محاميي الطرفين إلى محاولة إنهاء النزاع والحصول على الطلاق بطرق ودية.
بداية الخلافات
بدأ الخلاف بين “شاكوش” وزوجته عندما تقدمت الزوجة ببلاغ ضد زوجها تتهمه فيه بطردها من منزل الزوجية. وكان ضمن أقوالها في المحضر أنه استولى على أموالها وسرق ذهبها، وأثاث الزوجية بعد نشوب خلافات بينهما، وتهديدها بالطلاق.
قرار التمكين
وقد انتهى الأمر بالطلاق وتمكين الزوجة من منزل الزوجية، إلا أن المتخاصمين كان لهما رأيًا آخر حيث لم يكتفيا بذلك فقد ذهبت “ريم” لتنفيذ الحكم الصادر ضد “شاكوش” بعد حصولها على قرار التمكين. إلا أنها قامت بنشر مقطع فيديو من أمام فيلا مسكن الزوجية بصحبة رجال الأمن. موضحة أنها لا تستطيع دخول الفيلا حتى تحصل على ملابسها الخاصة مضيفة: ” معايا قرار تمكين من جهات التحقيق. ومش عارفة أتمكن من الفيلا وأخوه وابن أخته قاعدين ومنتظرين من أربع ساعات ومش عارفين ندخل ومش عارفة آخد هدومي لأنه مستولي عليهم”.
وتابعت “ريم طارق”: أنا ما قلتش سبب المشاكل وما عملتش حاجة غير إني جاية أخد هدومي لأني كنت ممنوعة من الدخول. وهو بيشتمني قدام الناس وبهدلني، وده المكان اللي ساكنين فيه وقاعدين فيه لوحدينا وهو جاب أهله وأنا مش معايا حد من أهلي. أنا رفعت قضية باللي حصل بيني وبين “حسن” ومش هتكلم في اللي حصل لأنه حاجة كبيرة وما ينفعش تتقال. ويمكن أحكي اللي حصل يا عالم”.
حسن شاكوش يرد
من جانبه، رد “حسن شاكوش” على قرار التمكين من خلال مقطع فيديو قام بنشره عبر حسابه على موقع التواصل الاجتماعي فيسبوك قائلاً فيه: “مش هطول عليكم من قلب البيت عندي وأنا عندي في البيت أهو موجود وأهلي وأمي وإخواتي منورني ومشرفني مش بيجوا لي كتير ولما بيجوا بالنسبة لي بيكون يوم عيد.. وحبيت بس أطمنكم إن مفيش أي حاجة وإحنا لسه جامدين ومفيش إلا إحنا. وعلشان عندي حفلة بليل مستني كل حبايبي اللي جايين لي في المعادي.
وأضاف “شاكوش”: الحمد لله الواحد ولا بيئته ولا تربيته ولا إمكانياته أنه يبهدل بنات الناس أو يجرحهم بأي كلمة وحشة. لأنكم عارفين الست والبنت لو بصيت لها بصة وحشة توجعها ولا تربيتي ولا بيئتي ولا عيشتي ولا أهلي ربوني على كده. عمري في حياتي ولا ضايقت حد ولا زعلت حد ولا عملت مشاكل مع حد. وبيتقال عليا كده علشان يشهروا بيا وشكلي يكون وحش قدام جمهوري لكن ربنا مش على كيف حد.
وتابع: اللي بيكبر ويخلي الواحد له قيمة ربنا وإحنا لما نتزنق بنقول يا رب مش يا عبد.. وأنا موجود في بيتي وأهلي منورني ومشرفني ومش هينفع أتكلم كتير علشان الجامع جنب بيتي وبعد كلام ربنا مفيش كلام.
واستكمل “حسن شاكوش”: مبسوط إني اتكلمت معاكم وفيه شغل مع “عمر كمال” وفيه غنوة هتنزل اسمها دي حلوة، واللي عاوز يفهم يفهم واللي بيفهم بيريح لأن الواحد لا تربيته ولا أسلوبه يهين بنات الناس ومش هتكلم أكتر من كده والدنيا كلها شايفة كل حاجة والظالم وابن الحرام ربنا ينتقم منه في ميدان عام.