أول رد من محمد إبراهيم علي حقيقة رجوعة لزوجته الأولي

الأمر سخيف للغاية وأرفض التدخل في حياتي الخاصة، هذا كان أول رد انتشر مع صور أنغام وزوجها ردًا على انتشار شائعة حقيقة رجوعه لزوجته الاولى، حيث راجت صور وأنغام وزوجها من قبل نشطاء مواقع التواصل الاجتماعي، ويوضح تصريح الموزع الموسيقي محمد إبراهيم رفضه الكبير للدخول في أي نقاش وممارسة انتشار الشائعات وأن يصبح بيته ألعوبه بأيدي الجماهير، إليك التفاصيل.

صور أنغام وزوجها على مواقع التواصل الاجتماعي 

نُشر على أحد المواقع شائعة رجوعه إلى زوجته السابقة ياسمين عيسى أم أولاده بعد زواجه من المطربة أنغام منذ حوالي أربعة أشهر قائلًا :”الامر سخيف للغاية وأرفض التدخل في حياتي الشخصية”، وأكد أن نشر هذا الخبر في هذا التوقيت الهدف منه إحراج أم أطفاله أمام عائلتها ووضعه في موقف صعب أمام زوجته انغام، وإظهار انغام بصورة مسيئة أمام جمهورها.

وأضاف في تصريحاته أنه كان يتمنى أن تعود إليه الصحفية التي قامت بنشر هذا الخبر خاصًة أنه امر يخصه هو وحده، فهذا الأمر من الممكن ان يصيب أم أولادي بالسعي وراء الشهرة.
ليشير في آخر تصريحاته أنه لو كانت هناك نية في الرجوع إلى زوجته فهذا أمر يخصه هو فقط ويرفض أي شخص أن يتحدث عن هذا.

كذلك كان الموزع الموسيقي أحمد إبراهيم قد نشر على صفحته الشخصية بموقع التواصل الاجتماعي فيسبوك المحادثة التي دارت بين زوجته والصحفية التي قامت بنشر هذا الخير فكتب :”قال النبى – صلى الله عليه وسلم – مِنْ حُسْنِ إِسْلَامِ الْمَرْءِ، تَرْكُهُ مَا لَا يَعْنِيهِ.. هى مش أم أولادى بعتتلك وقالتلك انفى الخبر على لسانها وإنك غير مصرح ليكى تتكلمى عن حياتها الخاصة؟ مش هى صاحبة الشأن؟”.

رد محمد إبراهيم على خبر رجوعه لزوجته

“وبعيد بقى عن صحة الخبر من عدمها لأنها ماتخصش حضرتك ولا المتابعين لان حياتهم فيها ما هو اهم اكيد .. مش المفروض لما صاحبة الشأن تنفي خبر وتطلب منك زي ما كتبتي خبر من غير ماترجعيلنا تتاكدي لانه امر شخصي ليا واولادي وبيتي انك تنفيه على لسان صاحبة الشأن زي ما كتبتيه ولا سيباه ينتشر ؟ هيفرق معاكي صحة الخبر من عدمها في ايه هو انتي اللي هتصرفي على اولادي ولا عايشين عندك في البيت على حسابك؟”.

ثم أكمل كلامه بقوله :”حضرتك قاصده تحرجي ام اولادي وتستفزي اهلها بالخبر ده انها رجعت بعد اعلانها طلاقنا بسبب زواجي (اللي انا بلغتها بيه واديتها حرية الاختيار)، ولا عاوزه تخلي الناس تتهمها انها كانت عامله فيلم غاويه شهره ولم تعاطف وفي الاخر رجعتلي؟ ولا قاصده تحرجي زوجتي المشهورة وتحطي اسمها في الخبر عشان الخبر ينتشر ونبقى مسار للهري من شوية المرضى اللي في مجتمعنا الحشري ولا انتي فاكره الناس طيبين قوي لو صح الخبر هيشوفوها جدعه اتصرفت بحكمه واحترمت خصوصياته مع اولاده وهيسيبوها في حالها؟”.

“ولا قاصده تطلعيني انا بلعب وعاوز الم عليا الستات واعمل شو زي ما في اغبياء اتهموني رغم اني فضلت اني اداري خبر جوازي عن الاعلام شهور يعني مافيش اي نيه للشو الى ان تسرب الخبر من جانب احد المقربين! ولا قاصده تطلعيني ندمان على زواجي رغم ان اولادي مازالوا في بيتي في رعاية امهم في نفس شارع الستوديو بتاعي وبشوفهم واتطمن عليهم يوميا وبيقعدوا معايا اكتر ما كان بيحصل قبل الازمة؟!!”.

وأكد بعدها أنه يرفض تمامًا أن يكون ألعوبه وسط ترويج هذه الشائعات الغير صحيحة فقال :” ليه مافيش احترام لبيوت الناس ؟ احنا لسه هنسخن الناس تاني والاغبياء يرجعوا يقولوا ساب بيته وعياله وسرقته من بيته والهجص والسفالة دي كاني عندي ٣ سنين!! مش كفايا ساكت على الكدب والتضليل من البدايه ورفضت ادخل في خصومه مع ام اولادي والنتيجه ان علاقتنا اتحسنت كتير رغم حجم الازمه اللي افتعلت من الاعلام!”.

” ايه علاقة ظهوري انا وزوجتي المشهورة كزوجين في برنامج باننا كمواطنين مش من حقنا ان حياتنا الخاصه تُحترم؟ ليه نشعل فتنه تاني بعد ما تحملت انا وزوجتي المشهورة التجاوزات عشان نعدي الازمه لان في اولاد والحمد لله مستقرين وسعداء !”
“واحدة في شهور عدتها وفي الرسالة بتقلك انفي الخبر لان علاقتنا ممتازة يعني انتي عشان تلمي الناس عليكي تبوظي الدنيا هو الفيلم البلدي ده مش هيخلص!! هل حضرتك هتجيبيلي انا وانغام حقنا من التجاوزات اللي في تعلقات الحشريين في البوست عندك او عند الناس اللي نقلت الخبر؟؟”
“لاخر مره ماتتكلميش تاني في امور بيتي من فضلك غير مصرحلك ولا لغيرك يا استاذه يا فاضلة تكتب او تتكلم تاني عن حياتي الخاصة باي خبر سواء صح او غلط ده امر شخصي بحت مش المفروض ابرر او انفي او انزل تاكيد دي حياتي انا بس كفايه تجاوز بقى!! “